Më pak se një muaj na ndan nga sezoni i verës dhe tokat e fshatrave të bashkisë Vau i Dejës janë përmbytur nga reshjet. Banorët thonë se një sipërfaqe prej 100 ha është mbuluar nga uji, pasi kanalet kulluese nuk janë pastruar prej vitesh.
Pesë orë shi përmbyti tokat e fshatrave Sums dhe Barbullush, pjesë e bashkisë së Vaut të Dejës. Të mbjellat e banorëve u mbuluan nga uji. Ata thonë se kjo situatë është e përsëritur, pasi kanalet kulluese nuk janë pastruar prej vitesh.
“Kanali ka 30 vjet që nuk janë pastruar”.
“Këta për çdo vjet na i hapin, por me fakte i shikoni vetë që janë të gjitha të mbyllura”
“Për 5 orë me shku në këtë gjendje është e pamundur me bë pyetje pse ka ndodh”.
Nga kulturat e kultivuara nuk shpëton asgjë.
“Çdo gjë e mbjellun që kemi, jonxhet, misrin, dikush ka sojën, kjo na dëmton më këtë ujë kështu, këto i përngjasin orizoreve”.
Dëmi sipas tyre shkon në disa miliona lekë.
“Pa llogarit punimet bujqësore me 12 mijë lekë dynymi, të shkon 50 mijë lekë me e punu, pa llogarit plehrat kimikë”.
Banorët tregojnë se uji do disa ditë që të largohet nga tokat.
“Se nuk është puna se e lëshon uji sot, po 2-3 ditë nuk e lëshon dhe kjo thahet krejt”.
Deri tani llogaritet që rreth 100 ha tokë e njësisë administrative Bushat ndodhet nën ujë. /ABC news Albania 24/7
