Tiziano Ferro, ishte një prej këngëtarëve të ftuar në natën e parë të festivalit të Sanremo 2020. Këngëtari, performoi këngën e famshme të Mia Martini-it, “Almeno tu nell’universo”.
Emocionet e Ferro-s ndiheshin në zërin, lotët dhe më tej në duartrokitjet e sallës së mbushur plot.
“Shkatërrova gjithçka!”- i drejtohet ai moderatorit Amadeus pas një stonimi të vogël si pasojë e emocioneve.
“Për një këngëtar, ky është operacion me zemër të hapur. Eshtë hera e parë që një burrë këndon këtë këngë. Bruno Lauzi thoshte se kjo këngë nuk mund të këndohet nga një zë mashkullor. Por unë doja ta bëja dhe e bëra.”- vazhdon Ferro.
Performanca e fuqishme e këngëtarit duket se emocionoi jo vetëm sallën, por dhe publikun që e ndoqi nga ekrani i televizorit.
“E gjithë Italia po qan me ty. Zot, sa të duam!” – shkruan dikush në Twitter.
“Almeno tu nell’universo” erdhi për herë të parë e kënduar nga një burrë për një burrë./abcnews.al
