Kyrian Nwabueze ka realizuar pesë gola me Laçin deri më tani, katër në kampionat një në Europë, si dhe ka dhuruar 2 asiste. 26-vjeçari e ka nisur në mënyrë të shkëlqyer këtë sezon të ri. Sot, nigeriani ka folur për Supersport, ku u shpreh:
SUPERIORE – “Personalisht ndihem shumë mirë, kam përvojën në futboll dhe mendoj që kampionati shqiptar është shumë i fortë. Objektivi im është të shënoj gola. Përpiqem dhe punoj çdo ditë që të përmirësohem. Kërkoj ta dërgoj veten time në maksimum, të jem i dobishëm për veten dhe për skuadrën. Jam i sigurt që do bëj gjëra të mira këtu”.
KËPUCA E ARTË – “Kam shumë besim tek vetja, ndaj pse të mos ndodhë. Por e përsëris, më duhet të punoj shumë çdo ditë”.
FILLIM SEZONI – “Nuk e kemi filluar në maksimumin e mundshëm, por besoj se do të ngrihemi. Kjo skuadër ka cilësi, gjithçka do të shkojë në rrugën e duhur. Tani kemi një trajner të ri dhe shumë shpejt do të gjejmë atë ritëm që të gjithë po kërkojmë.
TIRANA – “Po e presim me padurim këtë ndeshje kundër Tiranës, duhet të reagojmë pas rezultateve të fundit. Mendoj se do të jetë një duel shumë i forte. Kam besim tek vetja dhe te skuadra ime dhe jam i bindur se do bëjmë shumë mire.
TITULLI – Mendoj që në fund do jemi në vendet e larta të renditjes, mjafton të mos dorëzohemi dhe të punojmë me të gjitha forcat. Ne si lojtarë, trajneri, stafi drejtues, të gjithë së bashku si një familje. Dëshira ime është ta mbyllim mes dy vendeve të para”, përfundoi Nwabueze./abcnews.al
