Ibrahim Sulley është afrimi më i fundit te Tirana. Kampionët e Shqipërisë kanë zyrtarizuar afrimin e 19-vjeçarit nga Gana, i cili aktivizohet në rolin e mesfushorit ofensiv dhe krahët e sulmit.
Afrikani ka mbërritur ditën e sotme në Shqipëri dhe ka firmosur kontratën e re me bardheblutë, teksa do të vihet nën urdhrat e Emannuel Egbo në seancën e radhës stërvitore.
“Lojtari Ibrahim Sulley ka mbërritur ditën e sotme në Shqipëri. Menjëherë pasi është akomoduar, mesfushori me tipare sulmuesi ka firmosur kontratën në prani të presidentit Refik Halili, duke zyrtarizuar bashkimin e tij me klubin bardheblu.
Lojtari është pjesë e përfaqësueses së kombëtares U20 ne Gana dhe vjen si një përforcim i mirë për skuadrën. Sulley do të stërvitet sot me pjesën tjetër të ekipit“, lexohet në postimin e Tiranës në faqen zyrtare në Facebook. /abcnews.al
