Diego Costa la Atletico Madrid para disa ditësh dhe e vuri klubin në lëvizje për ta zëvendësuar në merkaton e janarit. Kryeqytetasit kanë lëvizur shpejt dhe e kanë gjetur pasuesin e spanjollit.
Moussa Dembele, 24-vjeç dhe pjesë e Lyon do të bashkohet me Suarez dhe Felix në sulmin e madrilenëve. Këtë e konfirmon edhe vetë Simeone ne një dalje për mediet së fundmi.
“Mund të them se jemi në bisedime me Lyon dhe shumë shpejt besoj se do kemi marrëveshje”, u shpreh argjentinasi, duke konfirmuar blerjen e francezit.
Nga ajo që raportohet Dembele do të kalojë te Atletico me formulën e huazimit me detyrim blerje për 35 milionë euro. Ai ka gjetur akordin personal me spanjollët dhe drejtuesit e Lyon nuk do e ndalojnë të largohet. /abcnews.al
