Teuta do të përballet me Vllazninë nesër në orën 16:45 në stadiumin “Loro Boriçi”. Durrsakët e kanë humbur ndeshjen e fundit në kampionat me Partizanin dhe tani duhet të reagojnë.
Motivimi nuk mungon pas kualifikimit në gjysmëfinalet e Kupës së Shqipërisë. Në prag të ndeshjes me Vllazninë trajneri Renato Arapi ka vendosur të heshtë, duke mos dalë në konferencë për shtypin.
Tekniku durrsak për këtë duel duhet t’i bëjë llogaritë pa dy lojtarë. Braziliani Jackson Ferreira ende nuk është rikuperuar, kurse Asion Daja do të mungojë për shkak se u ndëshkua me karton të kuq ndaj Partizanit. / abcnews.al
