Tërmeti i fuqishëm në Greqi, mbyllen shkollat në Trikala

schedule21:48 - 4 Mars, 2021

schedule 21:48 - 4 Mars, 2021

Greqia u godit mbrëmjen e sotme nga një tërmet i fuqishëm me madhësi 5.9 i shkallës Rihter. Epiqendra u raportua 16 kilometra në jug-perëndim të Elassona, në zonën e Tyrnavos, pranë epiqendrës së tërmetit të djeshëm me madhësi 6.

Lëkundjet e forta të tokës kanë shkaktuar frikë dhe panik tek qytetarët. Autoritete kanë njoftuar se të gjitha shkollat ​​në Trikala do të qëndrojnë të mbyllura nesër. Vendimi është marrë nga  kryetari i Trikalës për arsye sigurie, pas tërmetit të fuqishëm që goditi zonën.

Lexo edhe: Tërmeti i fortë në Greqi u ndje edhe në Shqipëri, qytetarët në Elasona dalin të trembur në rrugë e sheshe

Vendimi u mor bazuar në sigurinë e nxënësve në mënyrë që komplekset shkollore të rishikohen nga inxhinierët për ndonjë dëm. g.v/abcnews.al