Lëkundjet e tërmetit me magnitudë 5.7 që goditën verilindjen e Iranit, në kufi me Turqinë, shkaktuan vdekjen e 7 personave mes të cilëve tre fëmijë, në provincën turke të Van. Epiqendra e tërmetit është regjistruar të paktën 10 kilometra nga kufiri.
Tërmeti ndodhi rreth orës 08.53 dhe epiqendra ishte qyteti Hoy i Iranit. Tërmeti, 5.22 kilometra i thellë, gjithashtu u ndje rëndë në rrethin Yüksekova të Hakkarit, 4.75 kilometra nga epiqendra. Tërmeti u ndje në provincat kufitare Idır, Kars dhe Ağrı dhe Van, si dhe Hakkari.
Mediat vendase raportojnë se ministri i brendshëm turk Sulejman Soylu njoftoi se 7 persona, 4 të rritur dhe 3 fëmijë, vdiqën në fshatrat e rrethit Başkale të Vanit si pasojë e shembjes së ndërtesave.
