Një 34 vjeçar nga Kosova, i kërkuar ndërkombëtarisht nga Gjermania, është kapur në tentativë për të hyrë në Shqipëri. Mësohet se 34 vjeçari nga Peja është ndaluar në pikën kufitare të Qafë Prushit.
Gjatë verifikimeve dhe intervistimit në vijë të dytë, rezultoi se 34-vjeçari ishte shpallur në kërkim ndërkombëtar sepse Gjykata e Landshut i ka caktuar masën “Arrest në burg”, për veprën penale “Mashtimi”, kryer në kuadër të organizatës kriminale, sipas parashikimeve të legjislacionit penal të Gjermanisë.
Policia thotë se po punohet për ekstradimin e tij në Gjermani.
