Deputetja britanike Alicia Kearns mbështeti Kosovën në debatin e zhvilluar në parlamentin britanik mbi situatën e tensionuar në veri të vendit. Kearns, e cila është gjithashtu edhe kryetare e Komisionit për Punë të Jashtme, deklaroi se dhuna në veri të Kosovës është e orkestruar nga Beogradi.
Gjatë fjalës së saj, deputetja kritikoi qëndrimin e Shteteve të Bashkuara të Amerikës dhe BE-së ndaj autoriteteve kosovare ndërsa shtoi se nëse një gjë e tillë do të ndodhte në Britani që kryetarët të mos lejoheshin të hynin në zyra, do të konsiderohej si një goditje e rëndë ndaj demokracisë në vend.
“Por ishte faji i ndërhyrjes nga jashtë dhe duket se shpesh nuk përmendet kjo. Javën e kaluar, kryetarët e komunave, jo me dhunë, tentuan të futen në zyra, por dhuna u orkestrua. Po të ndaloheshin kryetarët tanë të punonin nga zyrat e të detyroheshin të punonin në shtëpi, do të thoshim është goditje e rëndë ndaj demokracisë. Pati dhunë të orkestruar në veri nga milicia e financiar nga Beogradi, dhunë kundër KFOR-it, Policisë, hodhën koktej molotovi, gjuajtën me armë, dogjën makina. Po dështohet vendosja e masave ndaj Beogradit, qytetarët në veri kërcënohen nga grupet kriminale”, tha Kearns.
/abcnews.al
