Deri në orët e mesditës, kthjellimet do të jenë mbizotëruese në pothuajse gjithë vendin tonë, ku intervalet e gjata me diell do të jenë më prezente në zonat e ulëta dhe vijën bregdetare. Ndërsa, në pjesën e dytë të ditës do të kemi shtim gradulal të vranësirave në zonat Verilindore dhe Juglindore duke rrezikuar rrebeshe shiu afat-shkurtër.
Gjatë natës pritet përmirësim i kushteve të motit në të gjithë vendin. Temperaturat e ajrit do të rriten lehtë në mëngjes por mesdita nuk do të sjellë ndryshim të tyre duke u luhatur nga 10°C deri në 28°C. Era do të fryjë e lehtë dhe mesatare me shpejtësi 30 km/h nga drejtimi kryesisht Perëndimor duke sjellë në brigjet detare dallgëzim të ulët.
Kosova
Masat ajrore të qëndrueshme do të dominojnë, kushtet e motit edhe në republikën e kosovës ku priten kthjellime dhe rritje graduale e temperaturave të ajrit si pasojë e qarkullimit të masave ajrore më të ngrohta me origjinë perëndimore. Por orët e pasdites do të sjellin shtim të vranësirave duke gjenruar shira të dobët dhe lokalë, më të dukshme në zonat Perëndimore. Kjo situate meteorologjike do të vijojë edhe gjatë natës.
Maqedonia e Veriut
Republika e MV do të vijojë të dominohet nga kushte të qëndrueshme atmosferike duke bërë që orët e paradites të paraqiten me mot të kthjellët në të gjithë MV ndërsa orët e pasdites do te sjellin vranësira dhe reshje të pakta shiu në pjesën më të madhe të MV. Më të theksuar reshjet do të jënë në zonat Lindore përgjatë kufirit me Bullgarinë. Po ashtu, edhe në territorin e MV do të ketë rritje të ndjeshme të temperatuarave të ajrit duke bërë që termometri të ngjitet deri në 26°C.
Europa
Zhvillimi i një qëndre të fuqishme Ciklonare në rajonin e Mesdheut do të diktojë kushtet atmosfrike në të gjithë Europën Jugore duke bërë që rrebeshet e shiut dhe mini-stuhitë e forta të erës të jenë dominante. Po ashtu, Alpet e Europës si edhe zonat përreth tyre do të perfshihen nga vranësira konvektive dhe rrebeshe shiu ndërsa moti i kthjellët do të vijojë për Europën Veriore si edhe të gjithë Britaninë e Madhe.
