Loading ...
Presidenti i Shqipërisë, Bajram Begaj, ka reaguar pas sulmit të armatosur ndaj Presidentit të SHBA, Donald Trump dhe Zonjës së Parë, Melania Trump, gjatë Darkës së Korrespondentëve në Wasshington.
Begaj shkruan se e dënon me forcë aktin e dhunës, duke theksuar se në një demokraci dallimet duhet të zgjidhen përmes ideve dhe dialogut dhe jo përmes forcës.
Reagimi i Presidentit Bajram Begaj:
E dënoj me forcë sulmin e armatosur ndaj Presidentit të SHBA-së Donald Trump dhe Zonjës së Parë Melania Trump gjatë Darkës së Korrespondentëve të Shtëpisë së Bardhë.
Në një demokraci, dallimet zgjidhen përmes ideve dhe dialogut — jo përmes forcës. Sulme të tilla brutale, që minojnë demokracinë dhe dëmtojnë vlerat e saj thelbësore, janë të papranueshme.
Shpreh solidaritet të plotë me popullin amerikan dhe i uroj @POTUS, @FLOTUS dhe të gjithë të pranishmëve shëndet dhe siguri të vazhdueshme.
