Një person ka humbur jetën dhe 11 të tjerë kanë mbetur të plagosur këtë të dielë në SHBA. Ngjarja ka ndodhur në Minneapolis të Shteteve të Bashkuara si pasojë e të shtënave me armë zjarri.
Mediat ndërkombëtare bëjnë me dije se policia lokale fillimisht tha se dhjetë persona janë qëlluar me armë dhe kanë pësuar lëndime të shkallëve të ndryshme, por e ndryshuan shifrën me një postim në Twitter rreth orës 3 të mëngjesit.
Vendi ku ndodhi sulmi është më pak se pesë kilometra larg zonës tregtare dhe lagjes së përfshirë nga protestat pas vdekjes së ameriaknit George Floyd në duart e policisë më 25 maj. Policia ende nuk ka dhënë hollësi për shkakun e sulmit.
Ndërkohë akoma nuk ka asnjë informacion në lidhje me shkaqet e kësaj ngjarje dhe autorin. /abcnews.al
