Të paktën tetë persona, përfshirë tre adoleshentë, janë vrarë nga forcat e sigurisë gjatë protestave në Sudan të shtunën, dita më vdekjeprurëse që nga grushti i shtetit me 25 tetor, sipas një deklarate të sindikatës së mjekëve pro-demokracisë.
Dy protestues u vranë mbrëmjen e së dielës dhe sot në orët e para të mëngjesit, tha sindikata, duke shtuar se numri i të vdekurve në protestat e së shtunës ishte rritur në tetë dhe numri i përgjithshëm i njerëzve të vrarë që nga grushti i shtetit ka shkuar në 23. Mes të vdekurve ishin dy adoleshentë, 13 dhe 15 vjeç, të cilët u plagosën për vdekje nga plumbat, si edhe një 18 vjeçar.
Policia mohoi përdorimin e forcës, duke thënë se ishte “e kufizuar” dhe nuk kishte përdorur municion të vërtetë. Viktimat nuk e kanë zvogëluar vendosmërinë e lëvizjes kundër grushtit të shtetit, e cila tashmë ka bërë thirrje për demonstrata të reja pas të mërkurës, pasi mijëra njerëz marshuan më 30 tetor dhe 13 nëntor.
Tre javë më parë, shefi i ushtrisë sudaneze bëri thirrje për arrestimin e shumicës së politikanëve, shpërndau institucionet kryesore të vendit – përfshirë Këshillin Kombëtar të Sovranitetit dhe shpalli gjendjen e jashtëzakonshme, duke e futur Sudanin në një gjendje të re të jashtëzakonshme.
/abcnews.al
