Loading ...Nuk ka më tolerime. 2 javë nga nisja e aksionit për prishjen e ndërtimeve pa leje, kryeministri Rama paralajmëron të pabindurit, se përveç shembjes me forcë të shtesave të paligjshme, do të paguajnë edhe një gjobë të majme.
“Ka ende ngrehina që i rezistojnë më kot kërkesës për t’u shkulur vetë nga mexhelisi, se në fund të tëra do ikin po do ikin bashkë me një gjobë të kripur për ndërtuesin e pamirëkuptuar”
Për kryeministrin, ky aksion nuk po u shërben vetëm qytetarëve, por edhe klientëve të bizneseve për që do të marrin tani një shërbim më të mirë.
“Çlirim i madh jo vetëm për komunitetin e për këmbësorët, po edhe për ata që ulen nëpër tavolinat jashtë dhe marrin frymë lirisht, jo mbrapa xhamave, barrikadave e ferrave, çka e rrit patjetër edhe cilësinë e shërbimit”
Nuk janë të pakët qytetarët dhe bizneset të cilët vendosën të heqin vetë shtesat e paligjshme në hapësirat publike për të evituar dhe gjobat, kurse në rastet e tjera është dashur ndërhyrja e IMT dhe Policisë.
/abcnews.al
