Tekniku i “bluve” të Chelsea, Frank Lampard ishte i pranishëm ditën e sotme, në konferencën për shtyp të klubit, në prag të përballjes së nesërme në “Stamford Bridge”, ndaj Brentford e vlefshme për javën e 33-të të Kampionatit anglez të futbollit, Premier League.
Në përballjet e fundit të Premier League të “bluve” pritet një rotacion, me teknikun Frank Lampard, i cili tha gjatë konferencës, së lojtarët që kanë patur më pak minuta gjatë sezonit do të aktivizohen më shumë në ndeshjet e mbetura.
“Ata sigurisht e meritojnë atë. Ata punojnë shumë për të treguar se meritojnë hapësirë dhe jam plotësisht dakord. Tani është një mundësi për të provuar dhe për të treguar se e meritoni të jeni në ekipin ku ndodheni, nëse e bëni këtë do të keni gjithmonë një mundësi me mua”,- u shpreh Lampard në fjalët e tij. /i.m /abcnews.al
