Tajvani do të dhurojë 6 milionë dollarë për rindërtimin e 5 qyteteve në Ukrainë

schedule15:45 - 31 Maj, 2022

schedule 15:45 - 31 Maj, 2022

Tajvani njoftoi të martën se do të dhurojë 6 milionë dollarë për pesë qytetet ukrainase më të prekura nga pushtimi rus – përfshirë Kharkivin, qytetin e dytë më të madh të Ukrainës si shenjë mbështetjeje dhe për të ndihmuar në rindërtimin e shkollave dhe infrastrukturës civile, sipas një deklarate nga ministria e tij e jashtme, shkruan CNN.

Në një  bisedë telefonike me kryetarin e bashkisë së Kharkiv, Ihor Terekhov, Ministri i Jashtëm i Tajvanit, Joseph Wu tha se Taipei do të dhurojë 2 milionë dollarë për Kharkivin dhe 500,000 dollarë për Chernihiv, Mykolaiv, Sumy dhe Zaporizhzhia.

“Populli i Tajvanit është pranë popullit të Ukrainës, pasi ne jemi përballur prej kohësh me kërcënimet nga Kina,” tha Wu Terekhov.

“Ne shpresojmë se ndihma jonë në rindërtimin e infrastrukturës civile të shkatërruar mund të lehtësojë ndikimin e shkaktuar te populli ukrainas nga lufta.”

Sipas deklaratës, Terekhov shprehu mirënjohjen e tij dhe tha se mezi pret të ftojë Wu në Kharkiv pas luftës. Telefonata me kryebashkiakun e Kharkiv-it pason një telefonatë me kryebashkiakun e Kievit Vitali Klitschko në prill, ku Taipei njoftoi një donacion prej 8.8 milionë dollarësh për Ukrainën.

Tajvani nuk ka marrëdhënie zyrtare diplomatike me Ukrainën.  Të premten e kaluar, ministria e jashtme e Tajvanit tha se kishte përfunduar transportin e 582 tonë ndihmash dhe furnizimesh për popullin ukrainas.

/abcnews.al