Kryetarja e Komisionit Hetimor për Inceneratorët replikoi me ministren e Shtetit Elisa Spiropali në lidhje me hetimet e këtij komisioni. Tabaku tha se kur bënte interpelancë për këtë çështje në Kuvend, Spiropali ishte ende te trau i Doganës.
“Kur unë bëra interpelancë për këtë çështje ti ishe te trau i Doganës. Për korrupsion jeni vërtetuar që jeni kapur. Sot akuzoheni për pastrim parash. A e dinë qytetarët shqiptarë se çfarë ka ndodhur me 430 mln euro.
A e dinë se çfarë ka ndodhur me kompanitë e Klodian Zotos. Qeveria shqiptare ka dhënë paradhënie për Inceneratorin e Fierit pa u kryer ende puna. Korrupsionin e ka vërtetuar SPAK.
Kushdo i përfshirë me letër dhe shkresë është i përfshirë zyrtarisht. Jam ndjerë keq kur kam parë persona në moshën e tim eti në Komisionin e Vlerësimit të ofertave. I keni përdorur si lecka zyrtarët e këtij shteti. Mua nuk më trondit asgjë derisa t’i shkojmë në fund kësaj afere”, tha Tabaku. /abcnews.al
