Loading ...SERBI- Trajneri i Kombëtares së Shqipërisë, Sylvinho u tregua i rezervuar dhe nuk dha detaje për formacionin e mundshëm ndaj Serbisë.
Ai vlerësoi ekipin kundërshtar, por tha se edhe në sfidën e Tiranës u vu re se të dyja ekipet janë pothuajse në të njëjtin nivel.
Ai theksoi se beson te lojtarët dhe shtoi se fokusi është e gjitha te sfida dhe objektivi janë tri pikët.
“Në fakt edhe ne e dimë ekipin e tyre. Nuk mund t’ju them për ndonjë surprizë, por kemi një stërvitje të rëndësishme pas pak dhe do marrin vendimin nesër.
Futbolli është i paparashikueshëm, nuk mund të vëmë një bast dhe të themi se do fitojmë këtë ndeshje.
Kundërshtari ka lojtarë të fortë. Nivel është aty aty , ne jemi rritur si skuadër. Në futboll ndodh çdo gjë në 90 minuta. Unë besoj të lojtarët e mi”, tha ai./abcnews.al
