Superiorja rikthehet në muajin qershor, më datë 3. Kjo është konfirmuar nga presidentët e klubeve të Superiores, që kanë folur pas takimit që patën me Federatën Shqiptare të Futbollit. FSHF njoftoi një ditë më parë për takimin me klubet, pasi më parë ishte biseduar me Ministrinë e Shëndetësisë për Protokollin Sanitar.
Pas takimit, për mediat folën edhe përfaqësuesit e klubeve, kryesisht presidentë. Gjithashtu bëhet me dije se Kupa nuk do të preket, pasi koha është e mjaftueshme që gara të mbyllet dhe ky kompeticion të zhvillohet i plotë, me sistem vajtje-ardhje. Finalja e Kupës zhvillohet me 2 gusht.
Për të mos pasur shumë ngjeshje në kalendar, është vendosur që kampionati të përfundojë më 28-29 korrik. Kështu FSHF duhet të dorëzojë në UEFA kalendarin për përmbylljen e kampionateve para 20 majit, sikurse edhe i është kërkuar. /abcnews.al
