FSHF ka programuar prej ditësh datat dhe oraret për ndeshjet në Superiore dhe Kategorinë e Parë dhe sot do të zhvillohen shumica e ndeshjeve. Në kampionatin elitar të futbollit në vend spikat sfida Partizani-Teuta, që do të luhet pa praninë e publikut. Të tria sfidat nisin prej orës 17:00.
Flamurtari-Tirana, nëse vlonjatët do të ishin në kushte të tjera, do të ishte padiskutim një nga përballjet më interesante. Aktualisht kuqezinjtë janë në krizë totale dhe zor që bardheblutë të gabojnë sot. Në Korçë luhet një tjetër ndeshje, Skënderbeu plot mungesa pret Luftëtarin dhe do kthesën pas humbjes turpëruese me Vllazninë.
KATEGORIA SUPERIORE – JAVA 7
E shtunë, më 5 tetor, ora 17:00
Skënderbeu-Luftëtari
Partizani-Teuta
Flamurtari-Tirana
Në Kategorinë e Parë ndeshja e parë është Kastrioti-Tërbuni, që luhet prej orës 13:00 dhe transmetohet në RTSH. Në grupin A Besëlidhja pret Veleçikun, kurse Erzeni do kthesën me Burrelin. Interesante sfida mes Korabit dhe Shkumbinit. Në Rrogozhinë Egnatia do kërkojë të bëjë detyrën ndaj Dinamos, që e ka nisur keq sezonin.
KATEGORIA E PARË – JAVA 4
GRUPI A
E shtunë, më 5 tetor, ora 13:00
Kastrioti-Tërbuni
E shtunë, më 5 tetor, ora 14:00
Besëlidhja-Veleçiku
Erzeni-Burreli
Korabi-Shkumbini
Egnatia-Dinamo
Katër përballje janë programuar për sot në grupin B. Lushnja kryesuese luan nesër, ndaj Devollit. Oriku do kërkojë të ngjitet në renditje dhe e ka mundësinë, pasi përballë ka Elbasanin. Apolonia dhe Besa luajnë në shtëpi dhe fitoret ndaj Ilirisë dhe Turbinës i kanë detyrim, për vetë objektivin që kanë. Tjetër takim që luhet sot është ai mes Pogradecit dhe Shënkollit.
GRUPI B
E shtunë, më 5 tetor, ora 14:00
Oriku-Elbasani
Apolonia-Iliria
Besa-Turbina
Pogradeci-Shënkolli
E diel, më 6 tetor, ora 13:00
Devolli-Lushnja
/abcnews.al
