Për sulmin me breshëri automatiku në shtëpinë e gazetares Klodiana Lala ka reaguar edhe kryeministri Edi Rama.
“E patolerueshme barbaria mbi shtëpinë e gazetares Klodiana Lala!”, shkruan shefi i qeverisë në Twitter.
Kryeministri kërkon zbardhjen e menjëhershme të ngjarjes, ndërsa thotë se strukturat e shtetit janë të angazhuara maksimalisht.
“Mbështes e inkurajoj Klodianën në këtë moment kritik dhe pres me padurim ndëshkimin e keqbërësve”, mbyll postimin e tij kryeministri Edi Rama.
E patolerueshme barbaria mbi shtëpinë e gazetares Klodiana Lala! Ngjarja duhet zbardhur sa më parë dhe strukturat e shtetit janë të angazhuara maksimalisht. Mbështes e inkurajoj Klodianën në këtë moment kritik dhe pres me padurim ndëshkimin e keqbërësve.
— Edi Rama (@ediramaal) August 30, 2018
Banesa e familjes së gazetares së njohur të kronikës së zezë Klodiana Lala u slumua me armë zjarri në orët e para të mëngjesit të së enjtes.
Ngjarja ndodhi rreth orës 03.00 të mëngjesit të sotëm në periferi të Tiranës, ndërsa brenda shtëpisë gjendeshin në gjumë, dy vajzat e mitura të Lalës, dy prindërit, vëllai dhe një i afërm.
Ajo ka pohuar për ABC News se asnjëri prej familjarëve të saj nuk ka asnjë konflikt me asnjë person, ndaj dhe për të dyshimi kryesor është vetëm ai i lidhur me punën e saj si gazetare
/abcnews.al
