Për të 83-tën ditë, gjakderdhja e popullit palestinez vazhdon, me Izraelin që zgjeron operacionet e tij në qendër të Gazës, pavarësisht situatës gjithnjë e më kritike për civilët, dhe ndërkohë që shqetësimet intensifikohen për përshkallëzimin rajonal, si në Detin e Kuq, ashtu edhe në Liban.
Forcat izraelite kanë shtuar bastisjet e tyre në qytetet kryesore në Bregun Perëndimor të pushtuar, veçanërisht në Jenin dhe Ramallah. Organizata Botërore e Shëndetësisë thotë se dhjetëra mijëra palestinezë po largohen nga Gaza qendrore dhe Khan Younis, duke u përpjekur t’i shpëtojnë sulmeve izraelite.
Gjysmëhëna e Kuqe Palestineze tha se 10 persona u vranë dhe 12 u plagosën në një sulm pranë spitalit El Amal në qytetin jugor të Khan Younis.
Zona pranë spitalit al-Amal u godit tre herë brenda një ore. E njëjta zonë u shënjestrua të mërkurën në bomba që vranë të paktën 20 njerëz, sipas Middleeastey.
Në Gaza, të paktën 21,110 njerëz janë vrarë dhe 55,243 janë plagosur në sulmet izraelite që nga 7 tetori.
/abcnews.al
