Avionët luftarakë izraelitë nisën një sulm të ri në Bejrut, njoftoi ushtria izraelite, pa dhënë detaje të mëtejshme.
Ministria e Shëndetësisë e vendit deklaroi në konferencën e saj se të paktën 6 persona mbetën të vrarë, mes tyre komandanti i Hezbollahut dhe 15 të tjerë mbetën të plagosur.
⚡️BREAKING: Israel just bombed the Ghobeiry area in the suburbs of Beirut, Lebanon. pic.twitter.com/FJr6uuVN16
— Suppressed News. (@SuppressedNws) September 24, 2024
Nga bombardimet izraelite në Liban në muajt e fundit, tashmë janë vrarë dy komandantë, Ibrahim Akil dhe kreu i administratës ushtarake, Fuad Shukr.
Përmes sulmeve ajrore të shtuara në mënyrë dramatike në Liban ditët e fundit, Izraeli po punon “për të ndryshuar balancën e fuqisë në veri duke shkatërruar aftësitë e Hezbollahut”, tha një zyrtar izraelit për Times of Israel.
Izraeli do të ndalojë operacionet e tij nëse Hezbollahu përmbush kërkesat e tij, kryesisht për t’u tërhequr nga kufiri verior i Izraelit.
Nëse Hezbollahu nuk ndalet, megjithatë, “faza tjetër do të vijë “, paralajmëroi zyrtari, pa specifikuar se çfarë do të ishte.
/abcnews.al
