Ambasada izraelite në Bahrein është sulmuar me koktej Molotov, në sfondin e bombardimeve të Izraelit mbi Rripin e Gazës, i cili filloi si hakmarrje për sulmin e Hamasit të shtunën, 7 tetor.
Pas masakrës në spitalin e Gazës, demonstrata në solidaritet me palestinezët u zhvilluan në një sërë vendesh, ndërsa qeveritë e botës arabe fajësuan ushtrinë izraelite, pavarësisht mohimeve të përsëritura nga Tel Aviv.
People of Bahrain ?? burned the #Israel embassy. How shameful an act this is in support of terrorists.
Why Is This Community So Violent & Intolerable❓Arrest These Bas….ds#Gaza #PalestineGenocide #MahuaMoitraScandal #India #PalestinianGenocide #GazaHospital #Hamas #Islam pic.twitter.com/Byv9zAULzq
— Bollywood Legacy Channel (@LegacyChannel_) October 20, 2023
Izraeli ka evakuuar disa nga ambasadat e tij në Lindjen e Mesme, duke përfshirë në Bahrein, Jordani dhe Marok.
Këshilli i Sigurisë Kombëtare i Izraelit i bëri thirrje qytetarëve të saj të largohen nga Turqia, për shkak të rrezikut. Izraeli ka tërhequr të gjithë diplomatët e tij nga Turqia, përfshirë ambasadoren Irit Lilian.
Sipas mediave izraelite, edhe diplomatët izraelitë në Jordani, Marok dhe Bahrein janë larguar nga këto vende, për të njëjtat arsye.
Vendimi për tërheqjen e diplomatëve erdhi pas tubimeve protestuese jashtë misioneve diplomatike të Izraelit në Turqi dhe pasi disa protestues u përpoqën të sulmonin rezidencën e ambasadës në Ankara dhe një ndërtesë ku ndodhet konsullata në Stamboll.
Zyrtarët theksuan se diplomatët u larguan për arsye sigurie dhe se largimi i tyre nuk ishte për arsye politike.
/abcnews.al
