Është padyshim një ndër këngëtaret më të suksesshme të momentit në mbarë botën. Dua Lipa ka arritur të renditet në listën e artistëve më të kërkuar dhe të pëlqyer. Këngët e saj janë kthyer në hite, duke thyer rekorde klikimesh në Youtube por edhe në Spotify.
Një sukses i jashtëzakonshëm ka rezultuar edhe albumi ‘Future Nostalgia’. Kënga ‘Break my heart’, e cila është pjesë e këtij albumi ka arritur të zërë vendin e parë në ‘US Top 40 Radio’. Ka qenë vetë këngëtarja, e cila e ka bërë me dije këtë arritje përmes një postimi në Instagram.
View this post on Instagram
Teksa ka publikuar disa imazhe nga klipi i këtij projekti, këngëtarja shqiptare shkruan “Break my heart është numër 1 në US Top 40 Radio”. Kujtojmë që Dua para tre ditësh publikoi dhe projektin “Un Dia”, një këngë që e bëri bashkë me J Balvin dhe Bad Bunny dhe që deri më tani numëron më shumë se 16 milion klikime në Youtube. /abcnews.al/
