Suedia dëshiron që të marrë pjesë në dy misionet ushtarake në Detin e Kuq. E para është aktualisht në zhvillim e sipër dhe drejtohet nga Shtetet e Bashkuara dhe Mbretëria e Bashkuar, ndërsa e dyta pritet të fillojë së shpejti dhe të përfshijë anëtarët e Bashkimit Evropian.
“Ne jemi të interesuar të dimë se çfarë mendon parlamenti për informacionin që kemi marrë dhe situatën në rajon,” tha Ministri i Jashtëm suedez Tobias Billstrom në një intervistë me radion publike suedeze, Sveriges Radio. Sipas ministrit, do të ishte në interesin e Suedisë të marrë pjesë në të dyja.
“Ne do të japim informacion dhe kushte për të dy operacionet. I pari, i quajtur ‘Operacioni Prosperity Guardian’, tashmë është duke u zhvilluar, ndërsa i dyti pritet të nisë pas samitit të ardhshëm të sigurisë të Bashkimit Evropian. Prandaj është e rëndësishme për ne të dimë qëndrimin e legjislativit për këtë çështje”, shtoi Billstrom.
Këto deklarata pasojnë një kërkesë drejtuar qeverisë suedeze të bërë në fillim të këtij muaji nga Shtetet e Bashkuara, e cila bëri thirrje për përfshirjen suedeze në operacionin e saj në Detin e Kuq. Suedia nuk është bërë ende anëtare e NATO-s, në pritje të ratifikimit nga parlamenti hungarez./abcnews.al
