Vllaznia do të ketë një administrator të ri, sikurse raportojnë nga qyteti verior. Ditën e sotme ka paraqitur dorëheqjen Suad Lici dhe pritet që kërkesa e tij të pranohet nga Këshilli Mbikëqyres.
Në vend të ish-lojtarit të Vllaznisë pritet të emërohet Benjamin Naku, ish-gjimnastist i kuqebluve. Aktualisht ai është pjesë e Këshillit Mbikëqyres dhe duhet të japë dorëheqjen nga posti aktual, sikurse raporton “Shkodra Sport”.
Lici ndërkohë mund të mbetet pjesë e Vllaznisë, por në një pozicion tjetër. Nuk dihen arsyet e këtyre lëvizjeve në klubin kuqeblu dhe vetë Lici me shumë mundësi edhe do të mbajë një qëndrim së shpejti. / abcnews.al
