“Rusia përbën kërcënim të drejtpërdrejtë për sigurinë tonë.” Këto fjalë të kryeministrit spanjoll Pedro Sanchez u bënë jehonë edhe nga sekretari i përgjithshëm i NATO-s, Jens Stoltenberg, shkruan The Guardian.
Stoltenberg tha gjithashtu se aleanca do të përpiqet të përshpejtojë procesin e ratifikimit për anëtarësimin e Suedisë dhe Finlandës.
“Rusia përbën kërcënim të drejtpërdrejtë për sigurinë tonë”, u tha ai gazetarëve në Madrid.
Stoltenberg tha se takimi në Madrid do të ishte “historik dhe transformues” për aleancën dhe gjithashtu veçoi Kinën, duke thënë:
“Kina nuk është një kundërshtar. Por sigurisht, ne duhet të marrim parasysh pasojat për sigurinë tonë kur shohim Kinën duke investuar kaq shumë në aftësi të reja moderne ushtarake, raketa me rreze të gjatë ose armë bërthamore dhe gjithashtu duke u përpjekur të kontrollojë infrastrukturën kritike, për shembull, 5G,” theksoi Stoltenberg.
/abcnews.al
