Stoltenberg: Nuk vendos Rusia për anëtarësimin e Maqedonisë

Sekretari i Përgjithshëm i NATO-s, Jens Stoltenberg iu kundërpërgjigj Rusisë se nuk është ajo që vendos për anëtarësimin ose jo të Maqedonisë në Aleancën e Atlantikut të Veriut. Të drejtën ekskluzive për një gjë të tillë sipas Stoltenberg e ka vetëm Maqedonia dhe 29 anëtarët e Aleancës. Pas dëbimit të një diplomati rus nga Maqedonia në shenjë solidarizimi me Britaninë e Madhe për rastin Skripal, I cili akuzohej dhe për veprimtari spiunazhi sipas ministrisë së jashtme maqedonase, ambasadori rus në Shkup Oleg Shçerbak reagoi ashpër. Ai u shpreh se Moska është kundër anëtarësimit të mundshëm të Maqedonisë në NATO dhe se vendi i tij, në rast të një konflikti me aleancën e atlantikut të veriut, nuk do të përjashtonte Maqedoninë si objektiv i sulmeve të mundshme ruse. /abcnews.al