“Air Albania Stadium” quhet impianti i ri kombëtar, ndërkohë që polemikat kanë qenë të shumta në lidhje me shitjen e emrit. Gjithsesi tashmë është fakt dhe “Qemal Stafa” quhet vetëm tribuna kryesore e stadiumit të ri.
Gjithsesi, për Ultras Guerrils, ai mbetet gjithmonë “Qemal Stafa”. Përmes një postimi në rrjetet sociale, ata kanë diçka për të thënë. “Qemal Stafa, përgjithmonë ! Gjithçka mund të ndryshojë, forma, stolat, muret e dritat.
Stadiumin e bëjnë njerëzit, ata që e jetojnë me pasion, me dashuri dhe pa kushte. Një pjesë te tyre i shihni në këtë foto pa harruar dhe karshinë e mrekullueshme. Të gjithë bashkë, forca Partizan!”, shkruajnë ultrasit e kuq. /abcnews.al
