Spanjë, prokuroria kërkon 24 vjet burg për ish-Ministrin e Transportit të përfshirë në korrupsion

Zyra e Prokurorit Spanjoll Kundër Korrupsionit ka kërkuar një dënim me 24 vjet burg dhe një gjobë prej më shumë se 3.9 milionë eurosh për ish-Ministrin e Transportit José Luis Abalos për parregullsi të dyshuara në blerjen e maskave gjatë pandemisë Covid-19.

Përveç kësaj, prokuroria kërkoi që ish-këshilltari i tij, Koldo Garcia, të dënohet me 19.5 vjet burg, si dhe me një gjobë me të njëjtën shumë, raportoi El Pais.

Për personin e tretë të përfshirë në këtë rast, biznesmenin Victor de Aldama, i cili dyshohet se ka bashkëpunuar me sistemin e drejtësisë, prokuroria kërkon vetëm shtatë vjet burg për shkak të rrethanave lehtësuese të pranimit të fajësisë nga ana e tij.