Në këo javë deputeti Arbi Agalliu ishte ndër tëpaktit që dukej në krah të Lulzim Bashës, ndërsa shumica e kanë braktisur një nga një pas 11 qershorit.
Por duket se ky moment ka ardhur dhe për Arbi Agalliun që ka vendosur të veprojë njësoj si Enkelejd Alibeaj, disa jave më parë, duke u larguar nga grupi parlamemtar i Partise Demokratike. Vendimi ka ardhur pasi Berisha mori vulën e PD, ndërsa Lulzim Basha ende shprehet i pavendosur së cfarë do të bëjë.
“Sot duhet një opozitë larg hijes së korrupsionit dhe që ngjall shpresë për shqiptarët. Fatkeqësisht një grupim apo parti që në lidershipin e saj ka persona me probleme nuk mund të jetë alternativë. Nisur nga qëndrimet e mia të deritanishme dhe asaj që besoj, shpreh sot largimin nga Grupi Parlamentar i PD. Demokrat nuk të bën as vula e as logo por qëndrimet dhe parimet, bindjet dhe besimi.
Distancimin nga Berisha e ka pasur te qarte qe prej se ai u shpall non grata, por vendimi i fundit ngjan dhe si distancim nga vete Lulzim Basha.
Sekretari për sigurinë kombëtare dhe koordinimin euro-atlantik, i kryesisë së Bashës, thotë se nuk mbështet politikanë që ndryshe deklarojnë, e ndryshe veprojnë.
“Fatkeqësisht në realitetin shqiptar kemi politikanë të cilët të bardhës i thonë e zezë, atë që e akuzojnë dhe e shajnë e bëjnë partnerin më të çmuar apo dhe ndryshime qëndrimesh 180° brenda ditës. Në syrin tim, këta janë politikanë që ose kanë probleme dhe halle personale ose janë pupacë të të tretëve. Këta nuk mund kurrsesi të jenë alternativë dhe shpresë për Shqipërinë.”
Veprimi i Aglliut dhe arsyet e shprehura prej tij duken njesoj si Enkelejd Alibaj, qe se fundmi se bashku me nje grup anetaresh qe mbehstesinin me pare Bashen, kane dal me vete, dhe pritet se shpejti te zyrtarizojne nje formacion te ri politik. I pyetur nga ABC News, nese do te bashkohet me Alibeajn, Agllaiu nuk e mohoi
“Vendimi do të merret në vijim por nis së pari me koherence. Ndaj duhej ky vendim”.
Në daljen e fundit të Lulzim Bashës, të martën, në krah të Lulzim Bashës ishte vetëm deputetja Oriola Pampuri, ndërsa të tjerë janë distancuar, ndërkohe Alibeaj me një pjesë të rëndësishme të Kryesisë së Bashës, si Roland Bejko, Rezart Kllupi etj, janë drejt krijimit të një partie të re, sic Alibeaj ka thënë që është kundër Sali Berishës por dhe modelit të Lulzim Bashës.
Postimi i deputetit Arbi Agalliu:
Të nderuar miq, dashamirës e demokratë!
Zhvillimet e fundit politike kanë vendosur në provë secilin prej nesh që jemi pjesë e saj.
Në këto tre vite, pavarësisht përplasjeve të brendshme të cilat krijuan vakuum opozitar ndaj kësaj qeverie të korruptuar dhe model abuzivizmi, personalisht jam përpjekur të bëj maksimumin.
Në politikë, sidomos në vendet e zhvilluara dhe përfaqësuese të demokracisë, koherenca në qëndrime është tepër domethënëse. Fatkeqësisht në realitetin shqiptar kemi politikanë të cilët të bardhës i thonë e zezë, atë që e akuzojnë dhe e shajnë e bëjnë partnerin më të çmuar apo dhe ndryshime qëndrimesh 180° brenda ditës. Në syrin tim, këta janë politikanë që ose kanë probleme dhe halle personale ose janë pupacë të të tretëve. Këta nuk mund kurrsesi të jenë alternativë dhe shpresë për Shqipërinë.
Bazuar në formimin dhe parimet e mia, jam munduar të jem koherent në diskursin dhe qëndrimet që kam mbajtur.
Që në krye të herës kam besuar se tranzicioni politik duhet të përfundojë. Klasa e politikës së vjetër që ka mbajtur peng këtë vend do duhet të largohet. Politikanët e korruptuar, ata të djeshmit dhe këta të sotmit, do duhet të luftohen me çdo mjet sepse janë kanceri i shoqërisë.
Kam besuar dhe besoj se çdo përpjekje për të zhvilluar demokracinë në Shqipëri do duhet të bëhet përkrah aleatëve tanë strategjikë si SHBA, BE dhe Mbretëria e Bashkuar.
Kam besuar dhe besoj se drejtësia në këtë vend, me gjithë problemet që mund të ketë, duhet të mbështetet pa kushte, sidomos në luftën kundër korrupsionit në nivele të larta dhe kundër krimit të organizuar.
Bazuar në këto parime kam mbajtur edhe qëndrimet e mia përgjatë këtyre viteve. Unë besoj fort se e djeshmja e korruptuar nuk mund të jetë e ardhmja. Sikurse besoj fort se secili prej nesh duhet të jetë i qartë në ndarjen e tij me të keqen dhe me atë që nuk mund të jetë alternativë për Shqipërinë e 2025.
Vendimi i fundit i Gjykatës së Apelit fatkeqësisht vendosi që partia më e madhe opozitare ti kalojë Sali Berishës, i cili përfaqëson një politikë që nuk përkon me bindjet e mia, përveç problemeve që ka me drejtësinë apo me vendet simbol të demokracisë.
Sot duhet një opozitë larg hijes së korrupsionit dhe që ngjall shpresë për shqiptarët. Fatkeqësisht një grupim apo parti që në lidershipin e saj ka persona me probleme nuk mund të jetë alternativë. Nisur nga qëndrimet e mia të deritanishme dhe asaj që besoj, shpreh sot largimin nga Grupi Parlamentar i PD.
Demokrat nuk të bën as vula e as logo por qëndrimet dhe parimet, bindjet dhe besimi. Nuk mund të përfaqësojë të djathtën dhe demokratët as ish-sigurimi i shtetit, as ish-sekretarët e partisë dhe rinisë dhe as te indoktrinuarit e tyre.
Besoj fort se të djathtës i duhet riorganizim, bashkim si dhe DISTANCIM ndaj çdo faktori që nuk e përfaqëson atë./abcnews.al
