Sormani: Presioni te trajneri është i pashmangshëm, puna do na shpërblehet

schedule22:13 - 6 Qershor, 2020

schedule 22:13 - 6 Qershor, 2020

Trajneri i Partizanit, Adolfo Sormani, është në presion të madh për shkak të rezultateve të fundit të “Demave të Kuq”. Gjithsesi, italiani shprehet se skuadra nuk ka treguar asnjë mangësi, as në aspektin fizik, as në pjesën teknike.

“Na kanë munguar rezultatet, kjo më duket e qartë, por nuk na ka munguar loja, megjithatë nuk mjafton, duhet bërë më shumë. Mendojmë që puna shpërblehet dhe kjo skuadër stërvitet me shumë dëshirë dhe lufton fort. Nuk kemi treguar asnjë mangësi as në aspektin fizik, as në pjesën teknike”, tha fillimisht Sormani për Supersport.

“Në ndeshjen e fundit patëm raste, krijuam shumë dhe jam i bindur që ky ekip është i aftë të shprehet shumë mirë në fushë. Nuk i kemi vuajtur kundërshtarët, kemi një problem që është psikologjik, në atë aspekt nuk kemi ekuilibra.

Kur je trajner, je në qendër të kritikave. Kur nuk fiton, do të kritkohesh, kjo është puna ime. Nuk dua të humbas kohë, kur më pyesin për futboll jam i gatshëm të përgjigjem pa kërkuar justifikime. Përgjigjem ashtu si unë e lexoj lojën dhe jo sepse ndihem i ofenduar nga kritikat.

E përsëris, kjo është pjesë e punës. Sigurisht që mund të jetë në dyshim e ardhmja, por, e ritheksoj, është pjesë e punës, kur dikush vendos të bëhet trajner, atëherë e kupton dhe këtë aspekt të punës”, u shpreh Sormani./abcnews.al