Loading ...
Sipas një sondazhi, 62% e amerikanëve besojnë se presioni politik nga administrata e Trump do të bëjë që Administrata Amerikane e Ushqimit dhe Barnave (FDA) të përshpejtojë miratimin e një vaksine kundër koronavirusit para Ditës së Zgjedhjeve më 3 nëntor.
Sondazhi u kryes midis datës 28 gusht dhe 3 shtator. Sipas të dhënave 85% e demokratëve, 61% e partive të pavarura dhe 35% e republikanëve besojnë se FDA do të ndikohet nga presioni i Presidentit Donald Trump dhe do të nxjerrë një vaksinë kundër Covid-19 përpara se të vërtetohet se është e sigurt dhe efektive. Më shumë gra sesa burra – 70% krahasuar me 55% deklaruan se ata ishin të shqetësuar se FDA do të përshpejtonte miratimin e një vaksine.
Nëse një vaksinë kundër Covid-19 do të ishte e gatshme dhe e disponueshme për të gjithë përpara zgjedhjeve të ardhshme, më shumë se gjysma e të anketuarve (54%), deklaruan se nuk do të vaksinoheshin ndërsa 42% thanë se do të vaksinoheshin.
Sidoqoftë, 81% e të anketuarve thanë se nuk besojnë se një vaksinë kundër koronavirusit do të ishte e disponueshme para 3 nëntorit.
Presidenti Donald Trump dhe anëtarët e administratës së tij kanë sugjeruar javët e fundit se një vaksinë mund të jetë në dispozicion para nëntorit dhe Qendrat e SHBA.-së për Kontrollin dhe Parandalimin e Sëmundjeve (CDC) u kanë kërkuar shteteve që të përgatiten për të shpërndarë një vaksinë. s.ba/abcnews.al
