Krzysztof Piatek mund të rikthehet në Itali. Ky është lajmi i fundit që raportojnë mediat e huaja. Sulmuesi polak ka shënuar në dy ndeshjet e fundit me Hertha Berlin dhe emri i tij tashmë lakohet si opsion për skuadrën e Fiorentina.
“La Nacional” shkruan klubi Vjollcë kërkon mesfushorin e Sampdoria, Karol Linetty, i cili ka të njëjtin menaxher me sulmuesin. Thuhet se në takim mund të flitet edhe në lidhje Piatek dhe sikurse kuptohet jemi në kuadrin e fjalëve dhe zërave të merkatos.
Thuhet e polaku nuk është i kënaqur me kalimin në Gjermani, ku ka shënuar tre gola. Fiorentina ndërkohë mendon që ta kërkojë atë në huazim 2-vjeçar me të drejtë blerje, sikurse veproi me Patrick Cutrone, të cilin e morën nga Wolverhapton.
Hertha Berlin, për Piatek ka paguar jo pak. Klubi i Milanit ka arkëtuar 27 milion euro nga shitja e tij, ndërkohë që mund të përfitojë edhe të tjera në formë bonusesh. /abcnews.al
