Një skandal seksual në burgun Lantin, burgu më i madh në vend, ka shkaktuar polemika dhe tronditje në qarqet të Belgjikës.
Sipas mediave belge, në skandal janë përfshirë zyrtarë të burgut, burra dhe gra që kanë marrë pjesë në mbledhjet e grupeve brenda dhe jashtë burgut. Sipas informacioneve në mesin e emrave të lidhur me rastin është edhe një këshilltar komunal 30-vjeçar.
Gjithashtu thuhet se dhjetë punonjës, mes të cilëve tre gra, të cilat kur organizonin takime jashtë burgut, zgjodhën shtëpinë e njërit prej pjesëmarrësve, me arsyetimin se kishte një xhakuzi të madh.
Oficerët e përfshirë duket se nuk janë përmbajtur as gjatë orarit të punës. Sipas një raporti, një zyrtar i rangut të lartë i jepte hua zyrën e tij një gruaje e njohur si “P” në mënyrë që ajo të mund të bënte seks me njerëz të tjerë.
“Nga ora 06:00 ajo e bëri të qartë se nëse nuk do të bënte seks, nuk do të ishte në gjendje të punonte”, tha një burim për mediat lokale.
Madje personi në fjalë ka raportuar se raporti i “P” kishte bërë bujë në mesin e stafit, pasi gruaja kishte një vëlla i cili ishte i burgosur në të njëjtin burg.
Hetimet ende vazhdojnë.
/abcnews.al
