Ndësa Italia u shpall “zonë e kuqe” kombëtare për koronavirusin në 24 orët e fundit, kjo masë e kryeministrit Konte nuk ka ndaluar tragetet e linjës Bari – Durrës të udhëtojnë drejt vendit tonë.
640 udhëtarë nga zona të ndryshme të Italisë mbërritën mëngjesin e së martës në Portin e Durrësit. Pasagjerët nuk janë lejuar të zbresin nga trageti pa iu nënshtruar kontrollit.
“Kishte kontrolle, thjesht na pyetën. Edhe në Portin e Durrësit na pyetë”, u shpreh një prej qytetarëve.
Ata që e kanë parë gjendjen nga afër thonë se situata është alarmante.
“Tregojnë se është përhapur shumë, situata paraqitet e vështirë. Në Portin e Durrësit kishte kontrolle”, tregoi një tjetër qytetar.
Ndërkohë stafi mjekësor i vendosur në Portin e Durrësit konfimon se deri tani nuk ka asnjë asnje person të prekur me koronavirus./abcnews.al
