Siria/ Bisedë telefonike Lavrov-Pompeo

Ministri i Jashtëm rus, Sergei Lavrov dhe homologu amerikan Mike Pompeo zhvilluan të mërkurën një bisedë telefonike, gjatë të cilës diskutuan për Sirinë dhe Ukrainën. Sipas një njoftimi për shtyp të Ministrisë së Jashtme ruse, Lavrov dhe Pompeo kanë rënë dakord sa i takon nevojës që Moska dhe Uashingtoni të tejkalojnë diferencat për zgjidhjen e këtyre çështjeve. Aktualisht në Siri forcat qeveritare po fitojnë gjithmonë e më shumë terren, duke ua marrë territoret militantëve të Shtetit Islamik. Së fundmi ato që kanë rënë në duart e ushtrisë kanë qenë bastionet e ISIS në rrethinat e Damaskut. Vendimtare ka qenë në këtë aspekt mbështetja ajrore ruse dhe ajo iraniane, aleatët kryesorë të presidentit Bashar al Assad. /abcnews.al