I riu shqiptar Klodian Murrizi ka humbur jetën në një aksident automobilistik të ndodhur në Agazanna të Italisë. Mediat italiane reportojnë se 22 vjeçari shqiptar udhëtonte me një makinë Toyota Rav 4, kur mjeti humbi kontrollin duke dalë nga rruga.
Si pasojë e përmbysjes makina e tij kishte shpërthyer në flakë, duke i marrë jetën shqiptarit. Ndërsa thuhet se në makinë më shqiptarin ndodhen edhe një person tjetër i cili ka marrë plagë të rënda dhe është dërguar në spital.
Sipas shtypi italian edhe personi që ndodhej në makinë me shqiptarin është një 22 vjeçar, por nuk bëjnë të ditur asnjë informacion rreth tij. Mësohet se aksidenti i rëndë ka ndodhur mesnatën mes të premtes dhe së shtunës.
Në vendngjarje kishin shkuar forcat e policisë, ambulanca dhe zjarrfikësja, të cilat kishin shuar flakët. Autostrada u mbyll për disa orë deri në normalizimin e situatës. Mediat lokale thonë se shqiptari Klodian Murrizi jetonte në zonën e Gossolengo./abcnews.al
