Shqipëria U21 pësoi një humbje të rëndë në fushën e Sllovakisë, në eleminatoret e kampionatit europian. Skuadra e drejtuar nga trajneri Alban Bushi, u mund 1-4 nga vendasit dhe është shumë pranë eleminimit.
Vendasit patën epërsi duke shënuar dy gola që në pjesën e parë, ndërsa ekipi ynë arriti të shkurtonte diferencën në minutën e 63-të me anë të sulmuesit Rei Manaj.
Gjithsesi, Shqipëria U21 nuk pati forca për të barazuar, por përkundrazi, pësoi edhe dy gola të tjerë në prani të rreth 2 000 spektatorëve sllovakë. Kjo ishte humbja e dytë e Shpresave ndaj Sllovakisë, pas disfatës së pësuar në Tiranë pak ditë më parë me rezultatin 2-3.
Shqipëria U21 ndodhet në vendin e parafundit në grupin eleminator 2, me 6 pikë pas 7 ndeshjeve të zhvilluara, plot 6 pikë larg vendit të dytë që mund të të kualifikojë për në play off./abcnews.al
