Destinacioni më trend për të pushuar në Evropë gjatë verës. Kështu e cilëson media franceze “Grazia”Shqipërinë. Në artikull thuhet se Shqipëria është një alternativë më e lirë, por po aq e bukur sa Sardenja në Itali apo destinacionet e tjera të njohura italiane. Vendi është vetëm 2 orë e gjysmë larg Parisit dhe ka mundësi të pafundme për tu eksploruar.
Ky vend i bukur ka plazhe të imta me rërë, ujëra blu bruz, por edhe tarraca nga të cilat pamja ndalet pikërisht përballë dritave kërcyese të bregdetit Italian shkruan media franceze. Turistëve i sygjerohet Saranda e cila konsiderohet vendi ideal për pushime verore ku ndërthuren relaksi, festat e vogla dhe kënaqësitë e jetës.
Prandaj, ky qytet bregdetar është destinacioni i përsosur nëse vërtet dëshironi të harroni shqetësimet e jetës së përditshme.
Ndër të tjera në këto troje ballkanike, gjejmë rrënoja që datojnë nga periudha e lashtë greke dhe romake, si dhe peizazhe të mbuluara me natyrë të gjelbër.
Rekomandohet që të vizitohet Gjirokastra me arkitekturën e saj që dallohet për bukurinë e shtëpive tipike ballkanike pjesë e listës së trashëgimisë botërore të UNESCO-s në vitin 2005.
Mbresëlënës cilësohet edhe kryeqyteti shqiptar ku rekomandohet një shëtitje në Malin e Gamtit në verilindje të Tiranës, ku mund të admironi pamjet panoramike të liqenit të Bovillës./abcnews.al
