Rreth orës 14:00, në autostradën Durrës-Tiranë, në një pikë karburanti, është përfshirë nga flakët një automjet që transporton karburant. Për pasojë janë lënduar shtetasi 20 vjeç, banues në Kamëz dhe një tjetë 35-vjeçar, (të dy punonjës të karburantit), të cilët janë trasportuar në spital për ndihmë mjekësore.
Ndërhyrja në kohë e shërbimeve zjarrfikëse dhe Policisë ka izoluar flakët duke shmangur përfshirjen nga zjarri të çisternave me karburant.
Shërbimet e Policisë evakuuan në kohë, personat e tjerë që ndodheshin rreth zonës në rrezik.
Policia thekson se zjarri është shuar tërësisht dhe lëvizja e mjeteve në të dy krahët e autostradës Durrës Tiranë po vijon normalisht. Grupi hetimor ndodhet në vendngjarje dhe po punon për zbardhjen e rrethanave të ngjarjes.
