Dy shpërthime masive kanë tronditur kryeqytetin e Libanit duke lënë pas shtëllunga tymi e shkatërrim total.
Ministria e Shëndetësisë në vend raportoi për një numër shumë të madh të lënduarish. Ndërsa, xhamat u thyen nga ndërtesat e ballkonet u shkëputen nga impakti, është shprehur një dëshmitar për agjencinë e lajmeve Reuters.
Agjencia shtetërore e lajmeve në Liban, NNA raporton se shpërthimi ndodhi në zonën portale në dy magazina që mbanin lëndë plasëse.
Nuk është ende e qartë se çfarë e ka shkaktuar shpërthimin dhe se çfarë lloj eksplozivash ndodheshin në magazinë.
Lexo edhe: Dy shpërthime masive në Beirut, raportohet për të plagosur
“Pashë flakët dhe tymin që dilnin mbi Beirut. Njerëzit po ulërisnin, vraponin dhe ishin të gjakosur. Ballkonet u shkëputën nga shtëpitë. Xhamat në ndërtesat e larta u thyen dhe u rrëzuan në rrugë,” u shpreh dëshmitari për Reuters.
Sipas raportimit të një televizioni në vend, me qindra persona janë lënduar. /abcnews.al/
