Policia e Krujës ka dhënë detaje të reja në lidhje me eksplozivin e vendosur në banesën e Arben Pëllumbit.
Sipas policisë, disa persona të dyshuar për këtë ngjarje, janë shoqëruar në ambientet e policisë.
Lexo edhe: Shpërthim me eksploziv, familjes në Fushë Krujë i vihet tritol për herë të tretë
Gjithashtu uniformat blu bëjnë me dije se ngjarja dyshohet të ketë ndodhur si pasojë e disa konflikteve të mëparshme.
Sakaq grupi hetimor po punon për zbardhjen e rrethanave të ngjarjes, identifikimin dhe kapjen e autorit.
Krujë/Informacion paraprak
Më datë 18.04.2021, rreth orës 23:00, në oborrin e banesës së pabanuar të shtetasit A. P., ka shpërthyer një sasi e vogël lëndë plasëse, ku si pasojë ka vetëm dëme materiale. Në ambientet e Policisë janë shoqëruar disa shtetas të dyshuar për këtë ngjarje që dyshohet të ketë ndodhur si pasojë e disa konflikteve të ndodhura më parë. Grupi hetimor po punon për zbardhjen e rrethanave të ngjarjes, identifikimin dhe kapjen e autorëve.
Kujtojmë se ngjarja ndodhi mbrëmjen e së dielës, ndërsa bëhet me dije se kjo ishte hera e tretë që brenda pa muajve banesës së Arben Pëllumbit i vendoset eksploziv.
Sasia e lëndës plasëse ka shpërthyer në hyrje të banesës, por fatmirësisht ka sjellë vetëm dëme materiale.
/abcnews.al/
