Shpërthim pranë një stacioni policie në Pakistan, dy viktima dhe 12 të plagosur

Të paktën dy persona janë vrarë dhe rreth 12 të tjerë janë plagosur, pas një shpërthimi që ndodhi në provincën veriperëndimore pakistaneze të Khyber Pakhtunkhëa.

Shpërthimi ndodhi jashtë portës kryesore të stacionit të policisë Mirjan në distriktin Banu.

Forcat e sigurisë dhe ekipet e shpëtimit transportuan të plagosurit në spital, ndërsa disa prej tyre janë në gjendje kritike.