Një anije turistike me 5 persona në bord shpërtheu në flakë në Karaburun, por për fat nuk pati të lënduar. Shkaku mendohet të jetë një shkëndijë elektrike në bordin e saj.
Momentin e rënies së zjarrit kanë qenë vetëm 5 punonjësit e kësaj anije, pasi në të kundërt pasojat mund të ishin më të mëdha. Deti i trazuar dhe dallgët e mëdha kanë bërë që anija “Aqua Marine” të ankorohej në Karaburun që ditën e djeshme.
Sapo ka rënë zjarri, personat që kanë qenë në bordin e kësaj anije janë hedhur në det për të shpëtuar nga flakët. Ata kanë mundur të dalin me not në breg dhe nuk raportohet të kenë marrë lëndime. Kjo anije operon prej kohësh në brigjet e Vlorës dhe bën çdo ditë linjën shëtitëse të turistëve Karaburun-Ishulli i Sazanit./ABC News Albania 24/7
