Tifo-grupi “Tifozat Kuq e Zi” vazhdojnë të punojnë intensivisht për shpërndarjen e sa më shumë ndihmave në terren, për familjet e prekura nga tërmeti. TKZ kanë shpërndarë ndihma në Durrës, Shijak, Manëz, Bubq, Vorë dhe Laç.
Njoftim!
Tifozat Kuq e Zi në mbarë trevat shqiptare vazhdojnë pandërprerë mobilizimin në TERREN në ndihmë të familjeve të prekura nga tërmeti.
Fatkeqësisht na duhet të pranojmë që edhe pse ndihmat e grumbulluara nga organizata dhe istitucione brenda dhe jashtë vendit jan të shumta, ka AKOMA shumë familje në nevojë për ushqim, strehim dhe veshmbathje!
Deri më tani kemi vizituar drejtpërdrejtë familje në Durrës, Shijak, Manëz, Bubq, Vorë dhe Laç. Si nëpër banesa ashtu edhe në kampe apo çadra situata është emergjente!!! Edhe pse disa nga anëtarët tanë në Shqipëri e Dardani kanë strehuar disa familje, mos harroni që shumë prej tyre e kanë të pamundur zhvendosjen larg banesave pasi kanë punën, fëmijët në shkolla, materiale dhe bagëti.
Prandaj ne si tifogrup mbarëkombëtar ju bëjmë thirrje të gjithë miqve, sportdashësve dhe tifogrupeve të tjera të na bashkohen në këto aksione dhe të ndihmojnë sëbashku në terren.
PIKA JONE E GRUMBULLIMIT:
Adresa: rruga nacionale Shijak, Xhafzotaj, Durrës (Pelikan Transport).
Kontakti: Ardit Arifi (Përfaqësues i TKZ në Durrës), tel 00355685440401.
LLOGARITË E TË HOLLAVE:
GoFundMe: gf.me/u/ëzkd4r
Paypal: [email protected]
Gjejmë rastin të falenderojmë për kontributin, mobilizimin dhe bashkëpunimin gjatë këtyre ditëve:
– Të gjithë anëtarët tanë në Shqipëri, Dardani, Iliridë, Malësi dhe Diasporë!!- Vëllezërit tanë nga hora e Arbereshëve në Itali.
– Anëtarët në Tifogrupin “Sokolat” në Dibër.
– Anëtarët në Tifogrupin “Intelektualët Gjilan”
– Anëtarët në tifogrupin “Kuqezinjtë e Jakovës”
Aksioni jonë nuk do ndalet për sa kohë ka ende shumë familje që kanë nevojë për ndihmën tonë!
Bashkë më të fortë!
