Shoferët më inteligjentë zgjedhin këtë markë makinash

Koeficienti i inteligjencës (IQ) është një vlerësim standard i performancës intelektuale të çdo individi. Dy të tretat e popullsisë mendohet se shënojnë midis 85 dhe 115, dhe vetëm 2.5% e njerëzve bien jashtë normës, ose me një rezultat nën 70, ose në ekstremin tjetër, me një rezultat më të mirë se 130. Përveç kësaj, pakicë e vogël që ka një IQ më të lartë se 144 i përket grupit të njerëzve që konsiderohen të talentuar.

Kompania britanike Scrap Car Comparison vendosi të kryejë një hulumtim interesant në bashkëpunim me shtëpinë konsulente londineze Censuswide.

Pas vlerësimit të pjesëmarrësve në hulumtim, ata u klasifikuan sipas markës së makinës që zotëronin, gjë që çoi në përfundimet e para. Hulumtimet kanë treguar se shoferët me IQ më të lartë, me një notë mesatare prej 99, zotërojnë vetura Škoda.

Përveç kësaj, ata ishin edhe grupi në të cilin u regjistruan sjellje më pak nervoze apo agresive, duke u treguar kështu si më të qetët pas timonit. Pas Skodës, drejtuesit më inteligjentë kanë Suzuki (98.09), Peugeot (97.79), Mini (97.41) dhe Mazda (95.91).

Në anën tjetër të tabelës, drejtuesit e Land Rover (88.58), Fiat (90.14) dhe BMW (91.68) kishin IQ më të ulët.

Megjithatë, analiza zbulon se i gjithë grupi i drejtuesve të analizuar ishte brenda asaj që konsiderohet një rezultat mesatar, midis 85 dhe 115 në shkallën e IQ-së. Një tjetër përfundim i këtij hulumtimi është se shoferët më inteligjentë priren të drejtojnë makina me benzinë, gjë që është një paradoks në mes të procesit të elektrifikimit.

Makinat me benzinë drejtohen nga njerëz me IQ më të lartë (94.35), të ndjekur nga pronarët e versioneve me motorë hibridë (93.89) dhe motorë me naftë (92.91). Drejtuesit e makinave elektrike janë në vendin e katërt (90.19). Gjithashtu, shoferët më inteligjentë pëlqejnë më shumë ngjyrën e bardhë të makinës, e ndjekur nga grija dhe e kuqja. Megjithatë, duhet pasur parasysh se ky hulumtim është nga Britania e Madhe, kështu që rezultatet mund të jenë të ndryshme këtu.

Markat e makinave dhe IQ: