Vasil Shkurtaj ishte lojtari i parë që u largua nga Kukësi këtë verë. Sulmuesi realizoi 23 gola me verilindorët në sezonin e fundit dhe ofertat në drejtim të tij ishin të shumta.
Akordi u arrit me Jiangxi Liansheng, skuadër që garon në divizionin e dytë të futbollit kinez. Shkurtaj ka firmosur dhe po pret vizën për të udhëtuar drejt shtetit aziatik.
Me anë të një postimi në rrjetet sociale, 28-vjeçari vlonjat ka reaguar rreth zërave që e lidhnin me një kalim te Tirana, kampionët në fuqi të Shqipërisë.
“Personalisht kurrë nuk i jam vetofruar ekipit të Tiranës. Përkundrazi, ofertat e vazhdueshme nga ana e tyre nuk kanë qenë në ‘peshën’ time reale. Faleminderit“, shkruan sulmuesi vlonjat. /abcnews.al
